Слаўлю Цябе...

Сярэдняя: 5 (2 галасоў)
                                    Бо ў смерці няма пра Цябе
                                    памятання: у магіле хто
                                    Цябе славіць будзе?
                                                               Псальм 6:6

Слаўлю Цябе
I жыву я Табой,
Госпад,
А смерці гэта няміла.
Толькі не можа
Вечны спакой
Даць мне сырая магіла.

Твой неспакой
Не пакіне мяне,
Ён у душы не загіне.
Твой неспакой
Цішыню прыхіне,
Жыціме ў мёртвай даліне.

I дамавіны глухая турма
Страхам душу не стрымае.
Будзе душа мая
Славіць сама
Госпада,
Нават нямая.